پنجاب بھرمیں 1170ٹریفک حادثات میں 17افراد جاں بحق جبکہ ر1330زخمی ہوگئے، ترجمان

لاہور۔30جنوری (اے پی پی):پنجاب بھرمیں 1170ٹریفک حادثات میں 17افراد جاں بحق جبکہ 1330زخمی ہوگئے۔ ایمرجنسی سروسزڈیپارٹمنٹ نے گز شتہ 24گھنٹوں کے دوران پنجاب بھر میں 1170ٹریفک حادثات پر ریسپانڈ کیا جن میں 532افراد شدید زخمی ہوگئے جنہیں فوری طور پر نزدیکی ضلعی و تحصیل کے ہسپتالوں میں منتقل کیا گیا۔ترجمان کے مطابق798معمولی زخمی لوگوں کو ریسکیومیڈیکل ٹیموں کے جائے حادثہ پر بروقت طبی امداد فراہم کی۔ان حادثات میں زیادہ تر تعداد 73فیصد موٹر سائیکلز حادثات کی ہے۔ان ٹریفک حادثات کے بیشتر واقعات میں 1067موٹرسائیکلز،74آٹورکشے،125کاریں،37وین،16مسافر بسیں،24ٹرک اور111دوسری اقسام کی گاڑیاں شامل ہیں۔

Short Link: https://urdu.app.com.pk/urdu/?p=553907