لاہور۔28اپریل (اے پی پی):پنجاب بھرمیں 1372ٹریفک حادثات میں 14افراد جاں بحق1610زخمی ہو گئے۔ ترجمان کے مطابق ایمرجنسی سروسزڈیپارٹمنٹ نے گزشتہ 24گھنٹوں کے دوران پنجاب بھر میں 1372ٹریفک حادثات پر ریسپانڈ کیا جن میں 741افراد شدید زخمی ہوگئے جنہیں فوری طور پر نزدیکی ضلعی و تحصیل کے ہسپتالوں میں منتقل کیا گیا جبکہ 869معمولی زخمیوں کوجائے حادثہ پر بروقت طبی امداد فراہم کی گئی۔
ان حادثات میں زیادہ تر تعداد (72فیصد)موٹر سائیکل حادثات کی ہے۔ ریسکیو 1122کے صوبائی مانیٹرنگ سیل کو موصول ہونے والی ایمرجنسی کالز کے مطابق حادثات میں834ڈرائیوز،68کم عمرڈرائیور، 601مسافراور189پیدل چلنے والے افراد متاثر ہوئے۔
اعدادو شمار سے ظاہر ہوتا ہے کہ242ٹریفک حادثات کی فون کالز لاہور کنٹر ول روم میں موصول ہوئیں جس میں صوبائی دارالحکومت303متاثرین کے ساتھ پہلے فیصل آباد96حادثات میں 115متاثرین کے ساتھ دوسر ے،گوجرانوالہ72حادثات میں 76متاثرین کے سا تھ تیسرے نمبرپررہا۔ واضح رہے کہ ان ٹریفک حادثات کے کل1624متاثرین میں 1274مرد اور350خواتین شامل ہیں ۔ان ٹریفک حادثات کے بیشتر واقعات میں 1274موٹرسائیکل،112آٹورکشے،173کاریں،29وین،16مسافر بسیں،30ٹرک اور128دوسری اقسام کی گاڑیاں شامل ہیں۔
Short Link: https://urdu.app.com.pk/urdu/?p=589102
