لاہور۔19مارچ (اے پی پی):سیکرٹری صنعت و تجارت پنجاب احسان بھٹہ اور سیکرٹری لائیو سٹاک وڈیری ڈویلپمنٹ پنجاب محمد مسعود انور کی زیر صدارت یہاں اتوار کے روز سول سیکرٹریٹ میں اجلاس منعقد ہوا جس میں پولٹری ایسوسی ایشن آف پاکستان کے نمائندوں نے شرکت کی۔اجلاس میں رمضان المبارک کے دوران پولٹری کی قیمتوں اورسپلائی چین کا جائزہ لیا گیا۔ تفصیلی غور وخوض کے بعد فیصلہ کیا گیا کہ صوبائی حکومت جی ایم او سویا بین کی ترجیحی بنیادوں پر درآمد کی اجازت کیلئے وفاقی حکومت سے رابطہ کرے گی۔
