لاہور۔15مئی (اے پی پی):تاریخ میں پہلی مرتبہ گندم کے کاشتکاروں کے لئے 1000 مفت ٹریکٹر اورگندم کے کاشتکاروں کو فی ایکڑ5 ہزار کیش گرانٹ سکیم کا آغاز کیا گیا ہے۔وزیراعلیٰ مریم نواز شریف نے رائس انسٹیٹیوٹ کالا شاہ کاکو میں گندم کے کاشتکاروں کو ٹریکٹر اور کیش گرانٹ دے اس سکیم کا باقاعدہ آغاز کیا۔وزیراعلیٰ نے پہلے ٹریکٹر کی چابی محمد اکمل کو دی اور خاتون کاشتکار طاہرہ نسرین کو ٹریکٹر کی چابی اور ماڈل پیش کیا۔وزیراعلی مریم نواز شریف کو خاتون کاشتکار نے چادر کا تحفہ پیش کیا۔
وزیراعلی مریم نواز شریف نے گندم کے کاشتکار ہارون بھٹی کو50 ہزار، محمد اکرم کو40 ہزار،غلام صابر کو35 ہزار اورمحمد نواز کو 30 ہزار روپے کیش گرانٹ دی گئی۔وزیراعلی نے چین کی طرف تحفے میں ملنے والے300 ملین کے75 ٹریکٹر اور دیگر زرعی آلات کا معائنہ کیا۔وزیراعلیٰ کو نئے اور جدید ترین ٹریکٹر اور زرعی آلات کے بارے میں بریفننگ دی گئی۔وزیراعلیٰنے12 نئے اور جدید چینی ٹریکٹرز کا معائنہ کیا۔ انہوں نے روٹا ویٹر، روٹری ٹیلر فرٹیلائزر سیڈر، کارن ہارویسٹر،کلٹیویٹر اور ٹری ٹریمر کا جائزہ لیا اور کرالر ٹائپ ویٹ رائس کمبائن ہارویسٹر، کارن ہارویسٹر، ہوشز سپرنکلر اور فوٹووولٹک واٹر پمپنگ سسٹم کا معائنہ کیا۔
وزیراعلیٰ کو رائس کیلئے ایکو فرینڈلی ایڈوانس ٹیکنالوجی کے بارے میں بتایا گیا۔صوبائی وزیر زراعت عاشق حسین کرمانی نے گندم سپورٹ پروگرام کے بارے میں آگاہ کیا۔
Short Link: https://urdu.app.com.pk/urdu/?p=597441
