پنجاب میں 24 گھنٹوں کے دوران 1195ٹریفک حادثات میں 16 افراد جاں بحق، 1286 زخمی ہوئے، ترجمان ریسکیو

لاہور۔6دسمبر (اے پی پی):پنجاب میں گزشتہ 24 گھنٹوں کے دوران 1195 ٹریفک حادثات میں 16 افراد جاں بحق اور 1286زخمی ہو گئے۔ ترجمان ریسکیو پنجاب نے بدھ کو جاری رپورٹ میں بتایا کہ گزشتہ 24 گھنٹوں کے دوران صوبے میں 1195 ٹریفک حادثات پر ریسپانڈ کیا،

ان حادثات میں 554 افراد شدید زخمی ہوئے جنہیں فوری طور پر نزدیکی ضلعی و تحصیل ہسپتالوں میں منتقل کیا گیا، جبکہ 732 معمولی زخمیوں کو ریسکیو ٹیموں نے موقع پر طبی امداد فراہم کی، اس دوران سب سے زیادہ 271 حادثات لاہور میں ہوئے، جن میں 279 افراد متاثر ہوئے ۔

Short Link: https://urdu.app.com.pk/urdu/?p=417529