پنجاب پولیس کا پتنگ بازی کیخلاف کریک ڈائون جاری

لاہور۔24مارچ (اے پی پی):پنجاب پولیس کا لاہور سمیت صوبہ بھر میں اینٹی کائٹ فلائنگ ایکٹ کی خلاف ورزی پر زیرو ٹالرنس کے تحت کریک ڈائون جاری ہے۔

ترجمان پولیس کے مطابق رواں سال لاہور سمیت صوبہ بھر میں انسداد پتنگ بازی ایکٹ کی خلاف ورزی پر 2417 ملزمان گرفتار ہوئے، 2381 مقدمات درج کئے گئے، 04 لاکھ 31 ہزار 275 پتنگیں، 14 ہزار 885 چرخیاں برآمدکی گئیں، 1853 کیسز کے چالان جمع کروائے گئے، صوبائی دارالحکومت لاہور میں 704 ملزمان گرفتار کئے، 710 مقدمات درج ہوئے، 20674 پتنگیں، 963 ڈور چرخیاں برآمد ہوئی۔

گذشتہ سال لاہور سمیت صوبہ بھر میں 12525 ملزمان گرفتار ہوئے، 11866 مقدمات درج کیے گئے۔ آئی جی پنجاب نے کہا ہے کہ آر پی اوز، سی پی اوز، ڈی پی اوز پتنگ بازوں، پتنگ فروشوں اور مینوفیکچررز کے خلاف کریک ڈاون میں تیزی لائیں، جان لیوا سرگرمی کی ہرگز اجازت نہیں، خونی دھندے میں ملوث افراد کے خلاف زیرو ٹالرنس اپنائیں، دھاتی ڈور اور پتنگوں کے آن لائن کاروبار میں ملوث عناصر کو بھی قانون کی گرفت میں لایا جائے،والدین اپنے بچوں کو اس خونی کھیل سے دور رکھیں، شہری کسی بھی مقام پر پتنگ بازی کی صورت میں 15 پر اطلاع دے کر ذمہ داری کا ثبوت دیں۔

Short Link: https://urdu.app.com.pk/urdu/?p=575790