لاہور۔8اپریل (اے پی پی):پنجاب پولیس کی جانب سے فورس اور ان کے اہلخانہ کی ویلفیئر کیلئے شاندار اقدامات کاعمل جاری ہے۔رواں سال تین ماہ میں 52 کروڑ 39 لاکھ 37 ہزار روپے سے زائد رقم فورس کی ویلفیئر پر خرچ کی گئی۔
ترجمان پنجاب پولیس کیمطابق پولیس ملازمین کے بچوں کو تعلیمی سکالرشپس کی مد میں 16 کروڑ 41 لاکھ 37 ہزار روپے سے زائد رقم جاری کی گئی، پولیس ملازمین کی بیٹیوں کو ویڈنگ گفٹ کی صورت میں 10 کروڑ 48 لاکھ روپے دئیے گئے، علاج معالجے کی سہولیات میں معاونت کے لئے 09 کروڑ 49 لاکھ 32 ہزار روپے سے زائد جاری کئے گئے،
ترجمان پنجاب پولیس نے بتایا کہ گذارا الانس کی مد میں پولیس ملازمین کی فیملیز کو 09 کروڑ 36 لاکھ 39 ہزار روپے سے زائد دئیے گئے۔پولیس ملازمین کو ریٹائرمنٹ گرانٹس کی مد میں 04 کروڑ 96 لاکھ 34 ہزار روپے سے زائد رقم جاری کئے۔
تدفین اخراجات کی مد میں فورس کے اہلخانہ کو 01 کروڑ 06 لاکھ روپے دئیے گئے، پولیس فورس کو فوری مالی امداد کی مد میں 61 لاکھ 92 ہزار روپے سے زائد دیئے گئے۔
Short Link: https://urdu.app.com.pk/urdu/?p=579413
