لاہور۔19مارچ (اے پی پی):پنجاب پولیس کے انٹیلی جنس بیسڈ سرچ اینڈ سویپ آپریشنز جاری ہیں۔ ترجمان پنجاب پولیس کے مطابق 24 گھنٹوں میں 43 سرچ اینڈ سویپ آپریشنز میں 467 افراد کی شناخت اور پوچھ گچھ کی گئی، 343 کومبنگ آپریشنز، 8606 مشتبہ افراد کی چیکنگ، 55 مشکوک افراد زیرحراست لئے گئے، سرچ آپریشنز، چیکنگ کے دوران سنگین جرائم میں ملوث 309 اشتہاری، 141 عدالتی مفرور، 62 عادی مجرمان کو گرفتار کیا گیا۔
جرائم پیشہ و مشتبہ افراد کے قبضہ سے ناجائز اسلحہ اور گولیاں برآمد کی گئی۔جرائم پیشہ افراد کے خلاف مختلف کاروائیوں کے دوران 3 ڈاکو کیفرکردار کو پہنچے، ایک کو زخمی حالت میں گرفتار کیا گیا۔آئی جی پنجاب نے کہا ہے کہ دہشت گردوں، جرائم پیشہ عناصر کی سرکوبی کے لئے پنجاب پولیس کی فرضی مشقیں جاری رہیں گی، فرضی مشقوں میں پنجاب پولیس، سی ٹی ڈی، سپیشل برانچ، ایلیٹ فورس، ریسکیو 1122، قانون نافذ کرنے والے اداروں کی ٹیمیں حصہ لے رہی ہیں۔
Short Link: https://urdu.app.com.pk/urdu/?p=574060
