لاہور۔3اپریل (اے پی پی):وزیر اعلی پنجاب مریم نواز کی ہدایت پر پنجاب کو ڈرگ فری بنانے کی مہم جاری ہے ۔ترجمان پنجاب پولیس کے مطابق پنجاب پولیس نوجوان نسل کو نشے کی لت سے محفوظ رکھنے کیلئے منشیات ڈیلرز ، اسمگلرز کے خلاف کریک ڈان میں مصروف عمل ہے
انہوں نے بتایا کہ لاہور سمیت صوبہ بھر میں پولیس ٹیمیں منشیات کی لعنت کو جڑ سے اکھاڑنے کیلئے انٹیلی جنس بیسڈ آپریشنز میں تیزی لائی گئی ہے گذشتہ 24 گھنٹوں کے دوران لاہور سمیت صوبہ بھر میں منشیات فروشوں کے ٹھکانوں پر 447 ریڈز کی گئیں منشیات کی سپلائی چین میں ملوث ملزمان کے خلاف 206 مقدمات درج ، 209 ملزمان گرفتار،
کیے گئے ہیں منشیات ڈیلروں کے قبضے سے 151 کلوگرام چرس، آدھا کلو آئس، 05 کلو ہیروئن برآمد جبکہ 01 کلوگرام افیون اور 2270 لٹر شراب بھی برآمد ہوئی انہوں نے بتایا کہ گذشتہ 37 روز کے دوران صوبہ بھر میں منشیات فروشوں کے ٹھکانے پر 10745 ریڈز کی گئیں منشیات فروشوں کے خلاف 5289 مقدمات درج ، 5690 ملزمان گرفتار ہوئے، ملزمان کے قبضے سے 3991 کلو گرام چرس، 22 کلو آئس ، 72 کلو ہیروئن ، 177 کلو گرام افیون، 65556 لٹر شراب برآمد کی گئی۔
ترجمان پنجاب پولیس نے بتایا کہ آئی جی پنجاب ڈاکٹر عثمان انور کے آر پی اوز، سی پی اوز اور ڈی پی اوز کو منشیات کا زہر بیچنے والے عناصر کے خلاف آپریشنز میں تیزی کے احکامات کیے گئے ہیں انہوں نے بتایا کہ سپلائی چین میں ملوث تمام ملزمان کو گرفتار کرکے قرار واقعی سزائیں دلوائی جائیں تعلیمی اداروں اور ہاسٹلز کے گردونواح بطور خاص انسداد منشیات آپریشنز میں تیزی لائی جائے ۔
