پنجاب کے بیشتر علاقوں میں موسم خشک رہے گا،محکمہ موسمیات

لاہور۔18مارچ (اے پی پی):محکمہ موسمیات کی پیشگوئی کے مطابق آئندہ چوبیس گھنٹو ں کے دوران لاہور سمیت پنجاب کے بیشتر علاقوں میں موسم خشک اور جزوی طور پر ابر آلود رہنے کا امکان ہے ۔ترجمان محکمہ موسمیات کے مطابق گزشتہ چوبیس گھنٹوں کے دوران پنجاب کے بیشتر علاقوں میں موسم خشک اور جزوی طور پر ابر آلود رہا۔

لاہور میں کم سے کم درجہ حرارت 17اور زیادہ سے زیادہ 29سینٹی گریڈ ریکارڈ کیا گیا جبکہ ہوا میں نمی کا تناسب 27رہا۔لا ہور میں آلودگی کی مجموعی شرح 69فیصد رہی جبکہ شہر کے مختلف علاقوں میں ائر کوالٹی انڈیکس یانی ہوم118،ذکی فارمز 158،ہائکنگ اینڈ مونٹینی 119،فیز8ایوی گرین،عسکری ٹین172 اور ڈائمنڈ پینٹس 172 ریکارڈ کیا گیا۔

Short Link: https://urdu.app.com.pk/urdu/?p=573987