لاہور۔3ستمبر (اے پی پی):پنجاب ہائی وے پٹرول صوبہ بھر میں شاہرات پر شہریوں کی خدمت و تحفظ اور قوانین کی پاسداری کیلئے سرگرم عمل ہے،پی ایچ پی نے ماہِ اگست 2025 کی کارکردگی رپورٹ جاری کردی،پی ایچ پی نے شاہرات پر بذریعہ ای پولیس پوسٹ ایپ 4.3 ملین افراد کو چیک کیا۔
ترجمان پنجاب پولیس کے مطابق دورانِ چیکنگ 438 اشتہاری مجرمان اور عدالتی مفروران کو گرفتار کیا، پنجاب بھر کی شاہرات پر 2.1 ملین گاڑیوں کو چیک کیا گیا ، 397 چوری شدہ گاڑیاں اور موٹر سائیکلیں برآمد ہوئے،ایکسل لوڈ کی خلاف ورزی پر41 ہزار1 سو7 اوور لوڈڈ گاڑیوں کے خلاف قانونی کارروائی کی گئی۔
ترجمان پنجاب پولیس نے بتایا کہ گیس سلنڈر کے غیر قانونی استعمال پر 957 گاڑیوں کے خلاف کارروائی کی گئی،شہریوں کی سہولت کے پیشِ نظر 22107 ڈرائیونگ لائسنس جاری کیے گئے، 59 گمشدہ بچوں کو ان کے والدین سے ملوایا گیا، 2080 عارضی و مستقل تجاوزات کو ختم کر کے ٹریفک کے بہائو کو بہتر بنایا گیا، 17912 مسافروں کو شاہرات پر مختلف نوعیت کی مدد و راہنمائی فراہم کی گئی،پولیس خدمت مراکز پر 24028 شہریوں کو مختلف پولیسنگ خدمات فراہم کی گئیں، ناجائز اسلحہ کے استعمال پر 28 مقدمات درج ہوئے ۔
ملزمان کے قبضہ سے 01 کلاشنکوف، 01 رائفل، 26 پسٹلز اور سینکڑوں گولیاں برآمد کی گئی ۔منشیات فروشوں سے 1448 لیٹر شراب، 1740 گرام چرس و دیگر منشیات برآمد کی گئی ۔آئی جی پنجاب ڈاکٹر عثمان انور کی بہترین کارکردگی پر پی ایچ پی کو شاباش،ٹریفک کی روانی ، شہریوں کی خدمت و حفاظت کیلئے بھرپور محنت اور خلوص نیت سے فرائض سر انجام دئیے جائیں۔
