پنجاب یونیورسٹی میں شجر کاری مہم جاری

لاہور۔25اگست (اے پی پی):وائس چانسلر پروفیسر ڈاکٹر محمد علی نے پنجاب یونیورسٹی ادارہ تعلیم و تحقیق اور انسٹیٹیوٹ آف زوالوجی میں شجر کاری مہم کے سلسلے میں پودے لگا ئے۔اس سلسلے میں منعقدہ تقریبات میں چیئرمین شعبہ ایڈوانسڈ سٹڈیزان ایجوکیشن پروفیسر ڈاکٹر محمد شاہد فاروق، سیکرٹری اکیڈمک سٹاف ایسو سی ایشن ڈاکٹر محمد اسلام، ڈائریکٹر انسٹیٹیو ٹ آف زوالوجی پروفیسر ڈاکٹر نبیلہ روحی

چیئرمین ہال کونسل پروفیسر ڈاکٹر محمد اکبرخان، فیکلٹی ممبران اور ملازمین نے شرکت کی۔ وائس چانسلر پروفیسر ڈاکٹر محمد علی نے کہا کہ موسمیاتی تبدیلیوں کے نقصانات سے بچنے کیلئے زیادہ سے زیادہ پودے لگانا ضروری ہے۔انہوں نے پنجاب یونیورسٹی اساتذہ، ملازمین اور طلبا پر زور دیا ہے کہ وہ اپنے اردگرد درخت لگائیں اور بہتر مستقبل کیلئے ان کی دیکھ بھال کریں۔