نمائندہ۔ 18 جولائی (اے پی پی):درجنوں مقدمات میں مطلوب کرائے کے قاتل اور ڈکیت زخمی حالت میں گرفتار کر لئے گئے، ڈی پی او حافظ اباد عاطف نزیر کی قیادت میں ایس ڈی پی او پنڈی بھٹیاں غازی عارف محمود خان صاحب کی زیر نگرانی میں تھانہ صدر پنڈی بھٹیاں کے ایس ایچ او انسپیکٹر ملک اظہر حسین نے اپنی ٹیم کے ہمراہ لاہور روڈ پر موجود تھے کہ اطلاع موصول ہوئی کہ ڈاکوؤں نے ناکہ لگایا ہوا ہے اور مسلح ہو کر لوگوں کو لوٹ رہے ہیں ،جس پر پولیس فوری ایکشن کرتے ھوئے موقع پر پہنچی تو ملزمان نے پولیس کی گاڑی کو دیکھ کر فائرنگ شروع کر دی۔
جس پر پولیس پارٹی نے چھلانگیں لگا کر اپنی جانیں بچائیں ،ملزمان کی فائرنگ سے ان کے اپنے دو ساتھی الطاف عرف طا فو اور نواز ولد مہمند جو مجرمان اشتہاری اور ڈکیتی چوری قتل جیسے سنگین مقدمات میں مختلف تھانوں کو مطلوب ھیں کو زخمی حالت میں گرفتار کر لیا ۔ ملزمان پنجاب کے مختلف تھانوں میں درج 30 سے زائد مقدمات میں ملوث تھے جو شوٹر ہیں اور کرائے کے قاتل ہیں، اعلی کارکردگی کا مظاہرہ کرنے پر ڈی پی او حافظ اباد عاطف نزیر صاحب نے ڈی ایس پی پنڈی بھٹیاں غازی عارف محمود خان اور ایس ایچ او انسپیکٹر اظہر حسین اور پوری ٹیم کے لیے نقد انعام اور سرٹیفیکیٹ کا اعلان کیا ہے۔
