سکھر۔ 07 مئی (اے پی پی):سکھر کے سینئر سیاسی رہنما ایڈوکیٹ سید شفقت علی شاہ نے کہا ہے کہ پاکستانی قوم ملکی دفاع کے لئے مسلح افواج کے ساتھ کھڑی ہے، دشمن کو پاکستان کی مقدس سر زمین پر قدم رکھنے نہیں دیں گے۔ اپنے بیان میں انہوں نے کہا کہ بھارتی فوج کی جانب سے پاکستان کے عام شہریوں اور مساجد پر حملے قابل مذمت ہیں ، ایسے بزدلانہ حملہ بھارت کی روایتی ذہنیت کی عکاسی کرتا ہے۔انہوں نے پوری قوم سے بھارتی جارحیت کے خلاف اٹھ کھڑے ہونے کی اپیل کرتے ہوئے کہا کہ ہر شہری اور بچہ بچہ پاکستان کے دفاع کا فرض انجام دے گا۔
سید شفقت علی شاہ نے کہا کہ پاکستانی قوم متحد ہے اور بھارت کی بزدلانہ کارروائیوں کا منہ توڑ جواب دینے کے لیے تیار ہے،مسلح افواج نے بھارتی جارحیت کا بھرپور جواب دیا ہے جس پر قوم فخر محسوس کرتی ہے۔انہوں نے بھارتی حملوں میں بے گناہ شہریوں کی شہادت پر دکھ کا اظہار کرتے ہوئے کہا کہ پاکستان امن کا خواہاں ہے لیکن اپنے دفاع پر سمجھوتہ نہیں کرے گا۔ سید شفقت علی شاہ نے کہا کہ پوری قوم مسلح افواج کے ساتھ شانہ بشانہ ہمت اور عزم کے ساتھ کھڑی ہے۔
Short Link: https://urdu.app.com.pk/urdu/?p=594146
