پولٹری ریسرچ انسٹی ٹیوٹ راولپنڈی میں مرغبانی کے حوالے سے تین ماہ کا فری ترتیبی کورس 7 اپریل سے شروع ہو گا

راولپنڈی۔30مارچ (اے پی پی):پولٹری ریسرچ انسٹی ٹیوٹ راولپنڈی میں مرغبانی کے حوالے سے تین ماہ کا فری ترتیبی کورس 7 اپریل سے شروع ہو گا۔ سینئر ریسرچ آفیسر شعبہ توسیع کا کہنا ہے کہ تربیتی کورس کا آغاز 7 اپریل سے ہو گا جو 30 جون تک جاری رہے گا۔ اس کورس میں شرکت کے خواہشمند خواتین و حضرات ادارہ ہذا سے درخواست فارم حاصل کر کے اپنی رجسٹریشن 7 اپریل تک کروا سکتے ہیں۔ انہوں نے بتایا کہ کورس کی کوئی فیس نہیں ہو گی اور کورس کی تکمیل پر شرکاء کو سرٹیفکیٹس بھی دیئے جائیں گے۔ نہوں نے کہا مرغبانی کا کورس مرغیوں کی نشونما کے حوالے سے آگاہی فراہم کرتا ہے۔

مرغبانی سے وابستہ افراد کورس سے اہم بنیادی معلومات حاصل کر کے مرغبانی کی صنعت کو پروان چڑھا سکتے ہیں۔ 3 ماہ کا کورس محفوظ مرغبانی کے کاروبار کو پروان چڑھانے میں معاون ثابت ہوتا ہے۔ مرغبانی کا کورس حکومت پنجاب کا مرغبانی کی صنعت کو فروغ دینے کے لیے اہم قدم ہے۔ کورس سے ہنرمند افرادی قوت، خود انحصاری، جدید ٹیکنالوجی اور منافع بخش کاروبار کے مواقع میسر آئیں گے۔

Short Link: https://urdu.app.com.pk/urdu/?p=577340