فیصل آباد۔ 27 اپریل (اے پی پی):سی پی او فیصل آباد کی ہدایت پر پولیس کا ضلع بھر میں منشیات فروشوں اور ناجائز اسلحہ رکھنے والوں کے خلاف کریک ڈاؤن جاری ہے جس کے تحت گزشتہ 24 گھنٹوں کے دوران مختلف تھانہ جات میں کاروائی کی گئی۔ ترجمان فیصل آباد پولیس کے مطابق منشیات فروشوں کے خلاف کاروائی عمل میں لاتے ہوئے06مقدمات کا اندراج کر کے06ملزمان کو گرفتار کرلیا گیا۔ملزمان کے قبضہ سے1کلو300گرام چرس اور37لیٹر شراب برآمد کر لی۔
انہوں نے بتایا کہ ناجائز اسلحہ کے خلاف کاروائی عمل میں لاتے ہوئے 13مقدمات کا اندراج کر کے15ملزمان کو گرفتار کرلیا۔ملزمان کے قبضہ 08عدد پسٹل30بور،02عدد بندوق 223بور،01عددکلاشنکوف اور 02عدد 9mmپسٹل و متعدد گولیاں و کارتوس برآمد کرلیے۔انہوں نے بتایا کہ جرائم پیشہ افراد کے خلاف مؤثر کارروائیاں جاری رہیں گی۔
Short Link: https://urdu.app.com.pk/urdu/?p=588533
