میڈرڈ۔28اپریل (اے پی پی):پولینڈ کی نامور ٹینس سٹار، ایونٹ کی سیکنڈ سیڈڈ اور پانچ گرینڈ سلام ٹائٹلز کی فاتح آئیگانٹالی سویٹیک ڈبلیو ٹی اے میڈرڈ اوپن ٹینس ٹورنامنٹ میں خواتین کے سنگلز مقابلوں میں اپنی فتوحات کے سلسلے کو برقرار رکھتے ہوئے کوارٹر فائنل رائونڈ میں پہنچ گئیں ۔ 23 سالہ پولینڈ کی ٹینس سٹار آئیگانٹالی سویٹیک نے ویمنز سنگلز مقابلوں کے تیسرے رائونڈ میں 20 سالہ جمہوریہ چیک کی حریف کھلاڑی لنڈا نوسکووا کو شکست دی۔
ڈبلیو ٹی اے کے زیر اہتمام میڈرڈ اوپن کے دلچسپ مقابلے سپین کے دارالحکومت میڈرڈ کے وینیو پارک منزاناریس میں جاری ہیں جس میں شائقین ٹینس کو انتہائی دلچسپ اور کانٹے دار مقابلے دیکھنے کو مل رہے ہیں۔ خواتین کے سنگلز مقابلوں کے تیسرے رائونڈ کے میچ میں 23 سالہ پولینڈ کی ٹینس سٹار آئیگانٹالی سویٹیک نے عمدہ کھیل پیش کرتے ہوئے 20 سالہ جمہوریہ چیک کی حریف کھلاڑی لنڈا نوسکووا کو سٹریٹ سیٹس میں 4-6 اور2-6سے شکست دے کرنہ صرف ٹورنامنٹ سے باہر کر دیا بلکہ ٹاپ 16 رائونڈ کے لئے بھی کوالیفائی کرلیا، جہاں ان کا مقابلہ روس کی حریف ٹینس کھلاڑی ڈیانا میکسیمونا شنائیڈرسے ہوگا۔
Short Link: https://urdu.app.com.pk/urdu/?p=588667
