پولیو ایک جان لیوا مرض ہے یہ زیادہ تر پانچ سال سے کم عمر بچوں پر حملہ آور ہوتا ہے،طلباء فاطمہ جناح یونیورسٹی

راولپنڈی 01 ستمبر (اے پی پی):پولیو ایک جان لیوا مرض ہے یہ زیادہ تر پانچ سال سے کم عمر بچوں پر حملہ آور ہوتا ہے۔ خاص طور پر ان بچوں کو متاثر کرتا ہے جن کا قوت مدافعت کا نظام کمزور ہوتا ہے۔یہ بات فاطمہ جناح یونیورسٹی کے طلباء نے اٹک خرد پر موجود پولیو پوائنٹ پر والدین سے گفتگو کے دوران کہی۔ طلباء نے جمعہ کے روز اٹک خرد پولیو پوائنٹ کا تعلیماتی دورہ کیا۔اٹک خرد پوائنٹ پنجاب اور خیبر پختونخواہ کے سنگم پر واقع ہے۔پوائنٹ اٹک شہر سے 25 کلومیٹر دوری پر واقع ہے جہاں پولیو ٹیمیں تین شفٹوں میں کام کر رہی ہیں۔

پولیو ٹیمیں پوائنٹ پر پانچ سال سے کم عمر تمام بچوں کو قطرے پلاتی ہیں۔ دورے پر آئے طلباء نے پولیو ٹیموں کے ہمراہ بچوں کو قطرے پلائے۔ اس دوران طلباء نے والدین سے پولیو ٹیموں کے ساتھ تعاون کی بھرپور اپیل کی۔ والدین سے گفتگو میں ان کا کہنا تھا کہ پولیو کا خاتمہ اولین ترجیح ہونی چاہیئے۔ پولیو وائرس کا پھیلاو باعث تشویش ہے، راولپنڈی، لاہور میں پولیو وائرس پایا گیا ہے جس سے بچوں کو خطرات درپیش ہیں۔ پاکستان اورافغانستان دو ممالک ہیں جہاں ابھی بھی وائرس پایا جاتا ہے۔ طلباء نے زور دیتے ہوئے کہا کہ پولیو کے خاتمے میں حصہ ڈالنا ہر شہری کی ذمہ داری ہے۔\378

Short Link: https://urdu.app.com.pk/urdu/?p=385184