آکلینڈ۔21مارچ (اے پی پی):بیتھ مونی کی ناقابل شکست نصف سنچری کی بدولت آسٹریلیا کی خواتین ٹیم نے نیوزی لینڈ ویمنز کو پہلے ٹی 20 انٹرنیشنل کرکٹ میچ میں 8 وکٹوں سے ہرا کر تین میچوں کی سیریز میں0-1 سے برابر حاصل کرلی ۔
آسٹریلین ویمنز ٹیم نے 138رنز کا مطلوبہ ہدف 13.3 اوورز میں 2 وکٹوں کے نقصان پر حاصل کرلیا۔جمعہ کو ایڈن پارک ، آکلینڈ میں کھیلے گئے تین میچوں کی سیریز کے ابتدائی ٹی ٹونٹی میچ میں میزبان نیوزی لینڈ ویمنز ٹیم نے پہلے بیٹنگ کرتے ہوئے مقررہ 20 اوورز میں 2 وکٹوں کے نقصان پر 137 رنز بنا کر مہمان آسٹریلوی ویمنز ٹیم کو میچ میں کامیابی کے لئے 138 رنز کا ہدف دیا۔
ایمیلیا کر نے ناقابل شکست 51،اور سوفی ڈیوائن نے ناقابل شکست 39 رنز سکور کئے ۔ آسٹریلوی ویمنز ٹیم کی جانب سے ڈارسی برائون اور کپتان ٹاہلیا میک گراتھنے ا یک ،ایک کھلاڑی کو آئوٹ کیا۔ جواب میں اوپننگ بلے باز بیتھ مونی کی ناقابل شکست 75 رنز کی دلکش اننگز کی بدولت آسٹریلیا کی خواتین ٹیم نے 138رنز کا مطلوبہ ہدف 13 ویں اوور کی تیسری گیند پر دو وکٹوں کے نقصان پر حاصل کرلیا۔
بیتھ مونی ناقابل شکست 75 ،جارجیا وال 50 رنز کے ساتھ نمایاں رہیں۔ یوں آسٹریلیا کی ویمنز ٹیم نے ابتدائی ٹی 20 انٹرنیشنل کرکٹ میچ میں میزبان نیوزی لینڈ کی خواتین ٹیم کو 8 وکٹوں سے ہرا کر تین میچوں کی سیریز میں 0-1 کی برتری حاصل کرلی ۔نیوزی لینڈ ویمنز کی جانب سے لیہ تہونے دو کھلاڑیوں کو آئو ٹ کیا۔آسٹریلیا ویمنز کی بیتھ مونی کو میچ کی بہترین کھلاڑی قرار دیا گیا ۔
Short Link: https://urdu.app.com.pk/urdu/?p=574994
