پہلگام حملہ بھارت کی سازش ہے، وہ دنیا کو گمراہ نہیں کر سکتا، وفاقی وزیر بحری امور جنید انوار چودھری

اسلام آباد۔25اپریل (اے پی پی):وفاقی وزیر بحری امور جنید انوار چودھری نے کہا ہے کہ پہلگام حملہ بھارت کی سازش ہے، وہ اس سے دنیا کو گمراہ نہیں کر سکتا۔جمعہ کے روز اپنے ایک بیان میں وفاقی وزیر بحری امورمحمد جنید انوار چوہدری نے بھارتی فالس فلیگ آپریشن پر شدید ردعمل کا اظہار کرتے ہوئے کہا کہ پہلگام واقعہ بھارت کی سازش ہے، بھارت اپنے فالس فلیگ آپریشنز سے دنیا کو گمراہ نہیں کر سکتا،پاکستان کا دفاع ناقابل تسخیر ہے، دشمن کسی غلط فہمی میں نہ رہے۔

انہوں نے کہا کہ بھارت کشمیر میں مظالم چھپانے کے لیے جھوٹے ڈرامے رچا رہا ہے، فالس فلیگ آپریشن سے بھارت کا مکروہ چہرہ بے نقاب ہوا،بھارت امن کے دشمن کا کردار ادا کر رہا ہے،وطن کا دفاع ہر قیمت پر یقینی بنائیں گے،پوری قوم متحد ہے اور اپنی مسلح افواج کے شانہ بشانہ کھڑی ہے،پاکستان کی بحری، بری اور فضائی افواج ہر خطرے سے نمٹنے کی صلاحیت رکھتی ہیں۔ انہوں نے کہا کہ بھارتی ریاستی دہشت گردی کا اصل چہرہ دنیا کو دکھانا ہو گا،بھارت کو دو طرفہ معاہدوں کا احترام کرنا چاہیے، سندھ طاس معاہدے کی معطلی غیر منصفانہ اور بلا جواز ہے۔

Short Link: https://urdu.app.com.pk/urdu/?p=587674