اسلام آباد ۔ 09 نومبر (اے پی پی) گزشتہ مالی سال کے مقابلہ میں رواں مالی سال 2016-17ءکی پہلی سہ ماہی کے دوران موبائل فونز کی درآمدات میں 15.21 فیصد کمی واقع ہوئی ۔ ادارہ برائے شماریات پاکستان ( پی بی ایس) کی رپورٹ کے مطابق رواں مالی سال میں جولائی تا ستمبر 2016ءکے دوران موبائل فونز کی درآمدات 146.57 ملین ڈالر تک کم ہوگئیں جبکہ گزشتہ مالی سال کے اسی عرصہ کے دوران موبائل فون سیٹوں کی درآمدات 172.87 ملین ڈالر ریکارڈ کی گئی تھیں
