اسلام آباد۔3اکتوبر (اے پی پی):پاکستان انٹرنیشنل ایئر لائن (پی آئی اے) نے پاکستان اور ٹورنٹو کے مابین پروازوں کے کرایوں پر 15 فیصد رعایت کا اعلان کیا ہے۔ پی آئی اے کے آفیشل فیس بک پیج پر جاری بیان کے مطابق پاکستان اور ٹورنٹو کے مابین پروازوں کے کرایوں پر یہ رعایت 15 اکتوبر تک جاری رہے گی ۔ ترجمان پی آئی اے کے مطابق مسافر یہ سہولت آن لائن بک کرا سکتے ہیں ۔ مسافر مزید معلومات کے لیے پی آئی اے کی ویب سائٹ www.piac.com.pk یا فون نمبر 021-111-786-786 پر رابطہ کر سکتے ہیں ۔
