کراچی ۔ 11 مارچ (اے پی پی) پاکستان سپر لیگ (پی ایس ایل) کے چوتھے ایڈیشن میں (کل) منگل کو کوئی میچ نہیں کھیلا جائے، آرام کا دن ہے۔ لیگ میں ایک دن آرام کے بعد بدھ کو کوالیفائر ون میچ کھیلا جائے گا جس میں کوئٹہ گلیڈی ایٹرز اور پشاور ٹیمیں آمنے سامنے ہونگی۔ تفصیلات کے مطابق پی ایس ایل فور اختتامی مراحل کی طرف گامزن ہے، اسی سلسلے میں آج منگل کو آرام کا دن ہے کوئی میچ نہیں کھیلا جائے گا۔ لیگ میں ایک دن آرام کے بعد بدھ سے پلے آف میچز کا مرحلہ کھیلا جائے گا۔ لیگ میں کل بدھ کو کوالیفائر ون میچ پوائنٹس ٹیبل پر دو ٹاپ پوزیشنز کی ٹیموں کوئٹہ گلیڈی ایٹرز اور پشاور زلمی کے درمیان کراچی میں کھیلا جائے گا۔ فاتح ٹیم براہ راست فائنل کیلئے کوالیفائی کر لے گی جبکہ رنر اپ کو ایک اور موقع ملے گا۔ تیسری اور چوتھی نمبر کی ٹیموں کے درمیان ایلیمینیٹر میچ 14 مارچ کو کھیلا جائے گا۔ ہارنے والی ٹیم ایونٹ سے باہر ہو جائے گی جبکہ فاتح ٹیم کا مقابلہ 15 مارچ کو ایلیمینیٹر ٹو کوالیفائر ون میچ کی رنر اپ ٹیم سے ہو گا۔ واضح رہے کہ دو ٹاپ ٹیموں کے درمیان فائنل 17 مارچ کو کھیلا جائے گا۔
