اسلام آباد۔24مئی (اے پی پی):وفاقی وزیر برائے ثقافت و قومی ورثہ اورنگزیب خان کھچی نے کہا ہے کہ پاکستان میں ثقافت کو فروغ دینے اور قومی ورثے کی بحالی کے لیے تمام ممکنہ اقدامات کیے جائیں گے۔انہوں نے کہا کہ وزیرِ اعظم شہباز شریف کی ہدایات کی روشنی میں پاکستان نیشنل کونسل آف دی آرٹس (پی این سی اے) کو ایک مثالی ادارہ بنایا جا رہا ہے جہاں فنونِ لطیفہ کے ہر شعبے میں میرٹ کو یقینی بنایا جائے گا۔
انہوں نے یہ بات پی این سی اے کے گورننس بورڈ کے اجلاس کی صدارت کرتے ہوئے کہی۔اجلاس میں 2023 ءاور 2024 ءکے لیے بجٹ اور دیگر اہم امور کی منظوری دی گئی۔ اجلاس میں وزیر مملکت حذیفہ رحمان، وفاقی سیکرٹری اسد گلانی، ڈی جی پی این سی اے ایوب جمالی، وفاقی سیکرٹری اطلاعات عنبرین جان، رکن پنجاب اسمبلی فراح خان اور دیگر نے شرکت کی۔
Short Link: https://urdu.app.com.pk/urdu/?p=601031
