لاہور۔23جون (اے پی پی):لاہور کی پارکس اینڈ ہارٹی کلچر اتھارٹی مری میں جدید بوٹینکل گارڈن قائم کرے گی۔ اتوار جو یہاں جاری ایک بیان میں ڈائریکٹر جنرل محمد طاہر وٹو نے بتایا کہ بوٹینکل گارڈن دس ایکڑ رقبہ پر قائم کیا جائے گا جس میں جاپانی سکورہ اور پرفیوم باغات کے علاوہ واٹر للی، جھیل اور پھولوں سے آراستہ سرنگ بنائی جائے گی۔ انہوں نے بتایا کہ یہ اپنی نوعیت کا ایک منفرد منصوبہ ہے
جس میں بچوں کے لیے پلے ایریا، زپ لائن، سکائی برج اور گلو گارڈن کی تفریحات بھی موجود ہوں گی، اسی طرح شائقین کے لئے پارکنگ کا بندوبست بھی کیا جائے گا۔ طاہر وٹو نے مزید بتایا کہ بوٹینکل گارڈن میں عوام کی دلچسپی کے لئے ٹیولپ، ٹائگر للی، جرینیم اور پہاڑی علاقوں میں پائے جانے والے مختلف اقسام کے پودے لگائے جائیں گے۔ طاہر وٹو نے مزید کہا کہ پی ایچ اے اس سال دسمبر میں لاہور میں بھی ٹیولپ پھولوں کی نمائش کا بندوبست کرے گی۔
Short Link: https://urdu.app.com.pk/urdu/?p=478270
