پی سی بی (کل)سے پہلی مرتبہ خواتین کے ٹرائلز کا انعقاد کرے گا

اسلام آباد۔4اگست (اے پی پی):پاکستان کرکٹ بورڈ گراس روٹ لیول پر ٹیلنٹ کو اجاگر کرنے کے لیے پیر (کل )سے ملک بھر میں خواتین کے لیے اوپن ٹرائلز کا انعقاد کرے گا۔ 14 شہروں میں سے، پی سی بی وادی سوست میں پہلی مرتبہ خواتین کے کرکٹ ٹرائلز کی میزبانی کرے گا، یہ خطہ اپنے دلکش مناظر اور پرجوش کرکٹ کمیونٹی کے لیے جانا جاتا ہے۔ یہ اقدام دور دراز علاقوں میں خواتین کی صلاحیتوں کو تلاش کرنے کے پی سی بی کے عزم کو اجاگر کرتا ہے۔

اتوار کوپریس ریلیز میں کہا گیا کہ ٹرائلز دو مرحلوں میں ہوں گے، جن میں گلگت، ہنزہ اور سوست میں 5 سے 7 اگست تک ٹرائلز ہوں گے، جبکہ دوسرا مرحلہ 21 اگست سے شروع ہوگا اور 3 ستمبر کو اختتام پذیر ہوگا۔ٹرائلز کی کسی بھی تاریخ پر بارش ہونے کی صورت میں متعلقہ شہر کے ٹرائلز 4 سے 5 ستمبر تک کیے جائیں گے۔سابق بین الاقوامی کرکٹرز اسد شفیق اور بتول فاطمہ خواتین کی قومی سلیکشن کمیٹی کے ارکان ملک بھر میں ٹرائلز منعقد کریں گے۔

اس میں دو کیٹگریز شامل ہوں گے – U19 اور ایمرجنگ یکم ستمبر 2005 کو یا اس کے بعد پیدا ہونے والے کھلاڑی U19 ٹرائلز کے لیے اہل ہیں۔دوسرے مرحلے میں کھلاڑی آن لائن فارم پُر کر کے ٹرائلز کے لیے خود کو رجسٹر کر سکتے ہیں، جو وقت پر دستیاب ہو گا۔ کھلاڑیوں کو ٹرائلز کے لیے اپنے بھرے ہوئے فارم اصل اور پیدائشی سرٹیفکیٹس/Bforms/CNIC کی کاپی دونوں کے ساتھ لانے کی ضرورت ہوگی۔ کھلاڑیوں کی سہولت کے لیے وہ گراؤنڈ میں اپنی رجسٹریشن بھی کروا سکتے ہیں۔

سابق ٹیسٹ کرکٹر اور سلیکشن کمیٹی کے رکن اسد شفیق نے کہا، "یہ ٹرائلز سلیکٹرز کو خواتین کرکٹرز کی اگلی نسل کو دریافت کرنے اور تیار کرنے میں مدد کریں گے۔ ہم اس بات کو یقینی بنانے کے خواہاں ہیں کہ ملک کے ہر کونے سے ٹیلنٹ کو چمکنے کا مناسب موقع ملے۔

یہ عمل انہیں ڈومیسٹک ٹیموں کی نمائندگی کرنے کے قابل بنائے گا اور آخر کار وہ مستقبل میں قومی ٹیموں کے لیے کھیلنے کا باعث بنے گا۔سابق وکٹ کیپر بلے باز اور سلیکشن کمیٹی کی رکن بتول فاطمہ نے کہا کہ اوپن ٹرائل نوجوان ٹیلنٹ کو پروان چڑھانے کی ہماری کوششوں میں ایک اہم قدم ہے۔

ہم خواتین کی کرکٹ کے مستقبل کے ستاروں کو آگے آتے اور اپنی صلاحیتوں کا مظاہرہ کرتے ہوئے دیکھ کر بہت پرجوش ہیں۔ میں تمام والدین سے درخواست کروں گا کہ وہ اپنی بیٹیوں کو ملک گیر سلیکشن ٹرائلز میں حصہ لینے میں ان کی مدد کرکے ان کے کرکٹ خوابوں کو پورا کرنے میں مدد کریں۔

Short Link: https://urdu.app.com.pk/urdu/?p=490596