پی سی بی کی ون ڈے اور ٹیسٹ کپتان کو ہٹانے کی خبروں کی تردید ،کپتان کی تبدیلی کا کوئی معاملہ زیرغور نہیں، کسی کھلاڑی کے سنٹرل کنٹریکٹ کی کیٹیگری بھی تبدیل نہیں کی گئی ،پاکستان کرکٹ بورڈ

اسلام آباد۔25اگست (اے پی پی):پاکستان کرکٹ بورڈ )پی سی بی( نے ون ڈے کیلئے محمد رضوان کی جگہ سلمان علی آغا کو کپتان بنانے اور ٹیسٹ میچز میں شان مسعود کی جگہ سعود شکیل کو کپتان بنانے کی خبروں کی سختی سے تردید کرتے ہوئے انہیں من گھڑت اور بے بنیاد قرار دیا ہے۔

ترجمان پی سی بی نے ان خبروں کی سختی سے تردید کی ہے کہ پاکستان کرکٹ بورڈ ون ڈے کیلئے محمد رضوان کی جگہ سلمان علی آغا کو کپتان بنانے اور ٹیسٹ میچز میں شان مسعود کی جگہ سعود شکیل کو کپتان بنانے پر غور کر رہا ہے۔

پی سی بی نے کہا کہ تا حال نہ تو سلیکشن کمیٹی میں یہ معاملہ زیر غور آیا ہے اور نہ ہی کسی پلئیر کے کنٹریکٹ کی کیٹیگری تبدیل کی گئی ہے، اس حوالے سے تمام تر خبریں بے بنیاد ہیں۔