لاہور۔5جولائی (اے پی پی):ڈی جی پی ڈی ایم اے عرفان علی کاٹھیا نے پنجاب کے مختلف اضلاع میں بارش کے باعث ہنگامی صورتحال سے نمٹنے کے لیےڈپٹی کمشنرز کو الرٹ رہنے کی ہدایات جاری کر دیں ہیں ۔
ترجمان کے مطابق ڈی جی پی ڈی ایم اے نے کہا ہے کہ صوبائی کنٹرول روم سمیت تمام اضلاع کے ڈسٹرکٹ ایمرجنسی آپریشن سنٹرز کو بھی الرٹ کر دیا گیا ہے،پی ڈی ایم اے کنٹرول روم میں صورتحال کی مانیٹرنگ 24/7 جاری ہے،1122 سمیت دیگر ریسکیو ادارے مشینری سمیت عملے کو الرٹ رکھیں،نشیبی علاقوں سے پانی کی نکاسی کو جلد از جلد ممکن بنائیں،شہری احتیاط کریں بجلی کے کھمبوں اور لٹکتی تاروں سے دور رہیں۔
عوام کچے مکانات اور بوسیدہ عمارتوں سے دور رہیں،بچوں کا خاص خیال رکھیں،انہیں نشیبی علاقوں میں جمع پانی کے قریب ہرگز نہ جانے دیں،شہری مدد کیلئے پی ڈی ایم اے کی ہیلپ لائن 1129 پر کال کر سکتے ہیں۔
Short Link: https://urdu.app.com.pk/urdu/?p=482029
