پشاور۔ 23 دسمبر (اے پی پی):چترال کی قدیم وادی کیلاش کا مذہبی تہوار چاؤموس اختتام پذیر ہو گیا۔ محکمہ سیاحت، ثقافت، ترجمان آثار قدیمہ و عجائب گھر خیبرپختونخوا کے مطابق فیسٹول 8 دسمبر سے کیلاش کے تین وادیوں ، بریر رمبور اور بمبوریت میں جاری رہا ۔
تہوار میں درجنوں مذہبی تہوار منا کر نئے سال کو خوش آمدید کہا جاتا ہے، آپس میں محبت بڑھانے کے لیے سبزیاں اور خشک میوہ جات تقسیم کئے جاتے ہیں، فیسٹول کیلئے خیبرپختونخوا کلچر اینڈ ٹورازم اتھارٹی کی جانب سے انتظامات کئے گئے، ٹورازم پولیس کے جوان فیسٹیول میں ڈیوٹیاں سر انجام دیتے رہے۔
فیسٹیول میں کثیر تعداد میں ملکی و غیر ملکی سیاح شریک ہوئے، ڈی جی ٹورازم اتھارٹی تاشفین حیدر کی ہدایات پر ٹورازم پولیس نے جوانوں نے ڈیوٹیاں سرانجام دیں۔
خیبرپختونخوا ٹورازم اتھارٹی کے دیر اپر اور چترال میں دفاتر سے سیاحوں کو سہولیات فراہم کی گئیں، فیسٹیول کے دوران ٹورازم انسپکٹرز نے وادی میں مختلف ہوٹلز میں سہولیات کا جائزہ بھی کیا۔
