فیصل آباد۔ 25 اکتوبر (اے پی پی):ریسرچ انفارمیشن یونٹ ایوب زرعی تحقیقاتی ادارہ فیصل آباد کی جانب سے کاشتکاروں سے کہا گیا ہے کہ وہ چقندر کی فی ایکڑ بہترین پیداوار حاصل کرنے کیلئے اسکی کاشت کا عمل 31اکتوبر تک مکمل کر لیں۔
انہوں نے کہا کہ چقندر ایک انتہائی اہم، منافع بخش اور نقد آورفصل ہے جبکہ زرعی تحقیقی اداروں کی سالہا سال کی محنت، تجربات اور مشاہدات کے باعث چقندر کی فی ایکڑ پیداوار7سو من سے بڑھ کر 12سو من تک پہنچ گئی ہے۔ انہوں نے کہا کہ اگر کاشتکار چقندر کی کاشت کے دوران جدید سائنسی طریقہ کاشت سے استفادہ کریں تو یہ پیداوار باآسانی 15سو من فی ایکڑ تک پہنچائی جا سکتی ہے۔
انہوں نے کہا کہ کاشتکار چقندر کی کاشت کیلئے مزید معلومات و رہنمائی کی غرض سے ماہرین زراعت یا محکمہ زراعت کے عملہ کی خدمات بھی حاصل کر سکتے ہیں۔
Short Link: https://urdu.app.com.pk/urdu/?p=516977
