چنیوٹ ،پولیس نے گمشدہ و مسروقہ قیمتی موبائل فونز برآمد کر لئے، ڈی پی او آفس میں تقریب

چنیوٹ۔ 06 مئی (اے پی پی):پولیس نے گمشدہ و مسروقہ قیمتی موبائل فونز برآمد کر لئے، ڈی پی او آفس میں تقریب ہوئی ۔تقریب کے دوران ڈی پی او عبداللہ احمد نے برآمدہ موبائل فون اصل مالکان کے حوالے کیے۔ مختلف کمپنیوں کے 30 سے زائد موبائل فونز شہریوں کے حوالے کیے گئے۔

گمشدہ و مسروقہ موبائل واپس ملنے پر شہریوں نے پولیس کا شکریہ ادا کیا۔ ڈی پی او عبداللہ کا کہنا ہے کہ جدید ٹیکنالوجی کا بہترین استعمال کر کے گمشدہ موبائل برآمد کیے جا رہے ہیں

شہریوں کے جان و مال کی حفاظت کو یقینی بنانے کیلئے تمام تر ضروری اقدامات کیے جا رہے ہیں، شہری کسی بھی ایمرجنسی صورت میں پولیس ہیلپ لائن 15 یا قریبی پولیس اسٹیشن رابط کر سکتے ہیں۔

Short Link: https://urdu.app.com.pk/urdu/?p=593377