اسلام آباد۔10فروری (اے پی پی):24 گھنٹوں کے دوران ملک بھر میں 54ہزار 638 کورونا ٹیسٹ کئے گئے ہیں۔وزارت قومی صحت کی جانب سے جاری ٹویٹ میں شیئر کئے گئے اعدادوشمار کے مطابق گزشتہ 24 گھنٹوں کے دوران 54 ہزار 638 کورونا ٹیسٹ کئے گئے ہیں جن میں سے 3914 افراد کے کورونا ٹیسٹ مثبت آئے ہیں۔
اس طرح گزشتہ 24 گھنٹوں میں کئے گئے مثبت کورونا ٹیسٹوں کی شرح 7.1 فیصد رہی ہے۔ مزید برآں اس دوران کورونا وائرس کی وجہ سے جاں بحق ہونے والوں کی تعداد 47 ریکارڈ کی گئی ہےجبکہ 1716مریضوں کی حالت تشویشناک ہے۔
