اسلام آباد۔13اکتوبر (اے پی پی): نیشنل کمانڈ اینڈآپریشن سنٹر (این سی او سی) نے کورونا وائرس کے حوالے سے تازہ ترین اعداد وشمار جاری کر دیئے ہیں۔منگل کو این سی او سی سے جاری کردہ اعدادو شمار کے مطابق گزشتہ 24 گھنٹوں کے دوران کورونا کے 530 مریضوں کے ٹیسٹ مثبت آئے اور 7 مریض ہسپتالوں میں اور ایک مریض گھر میں قرنطینہ کے دوران اس وائرس سے جاں بحق ہوا۔گزشتہ 24گھنٹوں کے دوران کووڈ۔19 کے 30 ہزار 22 ٹیسٹ کیے گئے جن میں سے سندھ میں 10 ہزار 241, پنجاب میں 10 ہزار 453, خیبرپختونخوا میں 3 ہزار 249, اسلام آباد میں 4 ہزار 523, بلوچستان میں 1 ہزار 24,گلگت بلتستان میں 302، آزاد کشمیر میں 230 ٹیسٹ شامل ہیں۔ اب تک ملک بھر میں کووڈ۔19 سے صحتیاب ہونے والوں کی تعداد 3 لاکھ 4 ہزار 609 ہو چکی ہے۔آزاد کشمیر اور بلوچستان میں کووڈ۔19 کا کوئی بھی مریض اس وقت وینٹیلیٹرز پر نہیں ہے جبکہ ملک بھر میں کووڈ۔19 کے لیے مختص 1 ہزار 912 وینٹیلیٹرز پر 80 مریض ہیں۔ ملک بھر میں کووڈ۔19 کے ایکٹو کیسز کی تعداد 8 ہزار 651 ہے۔ ملک بھر میں کورونا وائرس سے متاثرہ افراد کی تعداد 3 لاکھ 19 ہزار 848 ہے جن میں سے آزاد کشمیر میں 3 ہزار 131, بلوچستان میں 15 ہزار 541 گلگت بلتستان میں 3 ہزار 955، اسلام آباد میں 17 ہزار 428, خیبر پختونخوا میں 38 ہزار 367، پنجاب میں 1 لاکھ 892 اور سندھ میں 1 لاکھ 40 ہزار 534 مریض ہیں۔ ملک بھر میں کووڈ۔19 سے جاں بحق ہونے والوں کی تعداد 6 ہزار 588 ہے۔سندھ میں گزشتہ چوبیس گھنٹوں کے دوران کووڈ۔19کا ایک مریض ہسپتال میں جاں بحق ہوا، پنجاب میں 5 مریض ہسپتالوں میں اور ایک مریض گھر میں قرنطینہ کے دوران اس وائرس سے جاں بحق ہوا،خیبر پختونخوا میں اب تک کووڈ۔19 سے ایک ہزار 264 اموات،اسلام آباد میں 189 اموات،بلوچستان میں 146اموات، گلگت بلتستان میں 91 اموات ہوئیں گزشتہ چوبیس گھنٹوں کے دوران گلگت بلتستان میں ایک مریض ہسپتال میں اس وائرس کی وجہ سے جاں بحق ہوا، آزاد کشمیر میں اس وائرس سے مجموعی طور پر 78 اموات ہو چکی ہیں۔ اب تک ملک بھر میں کووڈ۔19 کے 39 لاکھ 14 ہزار 818 ٹیسٹ کیے جا چکے ہیں۔ملک بھر میں کووڈ۔19 کے علاج کیلئے مختص 735 ہسپتالوں میں 852 مریض زیر علاج ہیں۔
