چوہدری شافع حسین کا بجلی کی قیمتوں میں نمایاں کمی کا خیر مقدم

لاہور۔3اپریل (اے پی پی):صوبائی وزیر صنعت و تجارت چوہدری شافع حسین نے بجلی کی قیمتوں میں نمایاں کمی کا خیر مقدم کرتے ہوئے کہا ہے کہ صنعتوں کیلئے بھی بجلی کی قیمتوں کمی کا اعلان خوش آئند ہے۔وزیر اعظم کے اعلان کے مطابق صنعتوں کو اب 7 روپے 59 پیسے فی یونٹ کم قیمت پر بجلی ملے گی۔

انہوں نے کہا کہ صنعتوں کیلئے بجلی کی قیمتوں میں نمایاں کمی کی گئی ہے -بجلی کی قیمتوں میں کمی سے انڈسٹری فروغ پائے گی اور صنعتکاریکا عمل تیز ہونے سے روزگار کے مواقع بڑھیں گے۔صوبائی وزیر نے کہا کہ انڈسٹری کا فروغ حکومت کی پہلی ترجیح ہے،صوبے میں نئے کارخانے لانے کے حوالے سے حکومتی کاوشیں بار آور ثابت ہورہی ہیں۔