اسلام آباد ۔ 17 فروری (اے پی پی) وفاقی وزیر اطلاعات و نشریات چوہدری فواد حسین نے سینیٹر مشاہد حسین سید کے ٹویٹ پر اپنے جوابی ٹویٹ میں انہیں آڑے ہاتھوں لیا ۔ اتوار کو وفاقی وزیر اطلاعات و نشریات نے اپنے ٹویٹ میں کہا کہ ”کچھ لوگوں کو ہندوستان امیگریشن آفر نہیں کر رہا ہے ورنہ ہماری جان چھوٹ جائے“۔ انہوں نے کہاکہ ”کتنا ہاوس ان آرڈر کریں نہ آپ نے وزیر خارجہ بننا ہے نہ آپ کی اقدامات سے تسلی ہونی ہے“۔چوہدری فواد حسین نے مشاہد حسین سیدکو مخاطب کرتے ہوئے کہاکہ ”براہ مہربانی آپ سینٹ کے خرچے پر دوروں سے احتراز کریں۔ تعجب ہے آپ کو کشمیر پر نمائندگی کا کہا گیا، آپ کی خدمت کا شکریہ“۔ قبل ازیں مشاہد حسین سید نے اپنے ٹویٹ میں کہا تھاکہ پاکستان کو بھی اپنا ہاﺅس ان آرڈر کرنا چاہیے۔
