اسلام آباد۔17جولائی (اے پی پی):چیئرمین سینیٹ سید یوسف رضا گیلانی نے سینئر صحافی اعظم خان نیازی کے انتقال پر تعزیت کا اظہار کیا ہے ۔
سینیٹ سیکرٹریٹ میڈیا ڈائریکٹوریٹ کےمطابق چیئرمین سینیٹ سید یوسف رضا گیلانی نے کہاکہ غم اور دکھ کی گھڑی میں سوگوار خاندان کے غم میں برابر کا شریک ہوں۔
اللہ تعالیٰ سے دعا ہے کہ مرحوم اعظم خان نیازی کے درجات بلند کرے اور سوگوار خاندان کو اس ناقابل تلافی نقصان کو برداشت کرنے کے لئے حوصلہ اور ہمت عطا فرمائے۔
