اسلام آباد ۔ 13 اگست (اے پی پی) قومی احتساب بیورو (نیب) کے چیئرمن جسٹس جاوید اقبال سے پاکستان میں ڈنمارک کے سفیر رالف مائیکل ہے پریراہولمبوئے جمعرات کو نیب ہیڈکوارٹرز میں ملاقات کی۔ ملاقات کے دوران ٹرانسپیرنسی انٹرنیشنل پاکستان کی رپورٹ سمیت باہمی دلچسپی کے امور پر تبادلہ خیال کیا گیا۔ چیئرمین نیب جسٹس جاوید اقبال نے ڈنمارک کے سفیر کو ملک سے بد عنوانی کے خاتمے کے لئے انسداد بدعنوانی کی قومی حکمت عملی اور بدعنوان عناصر کو قانون کے کٹہرے میں لانے کے لئے کوششوں سے آ گاہ کیا۔ ڈنمارک کے سفیر نے چیئرمن نیب جسٹس جاوید اقبال کی قیادت میں کرپشن فری پاکستان کے لئے بدعنوانی کے خاتمہ کے لئے نیب کی مربوط کوششوں کو سراہا۔
