اسلام آباد۔31اگست (اے پی پی):پاکستان ٹیلی کمیونیکیشن اتھارٹی (پی ٹی اے) کے چیئرمین میجر جنرل (ر) حفیظ الرحمن نے ریاض میں منعقدہ گلوبل سمپوزیم فار ریگولیٹرز (GSR-25) میں پاکستان کی نمائندگی کی۔
اتوار کوپاکستان ٹیلی کمیونیکیشن اتھارٹی کی جانب سے جاری بیان کے مطابق اس موقع پر چیئرمین پی ٹی اے نے آئی ٹی یو کے ٹیلی کمیونیکیشن ڈویلپمنٹ بیورو کے ڈائریکٹر ڈاکٹر کوسمس لکسن زاوازاوا سے ملاقات کی جس میں پی ٹی اے اور آئی ٹی یو کے مابین تعاون کو مزید مضبوط بنانے اور ڈیجیٹل ریگولیشن کے شعبے میں باہمی دلچسپی کے امور پر تبادلہ خیال کیا گیاتاکہ عالمی ریگولیٹری نظام میں تعمیری اور جامع اصلاحات ممکن بنائی جا سکیں۔
واضح رہے کہ جی ایس آر-25 انٹرنیشنل ٹیلی کمیونیکیشن یونین کے زیر اہتمام پائیدار ڈیجیٹل ترقی کے لیے ریگولیشن کے موضوع پر سمپوزیم منعقد ہو رہا ہے، جس میں دنیا بھر کے ریگولیٹرز شریک ہیں۔
 حفیظ الرحمن کی گلوبل سمپوزیم فار ریگولیٹرز (GSR-25) میں پاکستان کی نمائندگی){kind=link}