چیف ایگزیکٹو فیسکو صارفین کے مسائل کے فوری ازالہ کیلئے 22 ستمبر کو فیس بک پر ای کچہری لگائیں گے

فیصل آباد۔ 20 ستمبر (اے پی پی):وزارت توانائی پاور ڈویژن کی خصوصی ہدایت پرصارفین بجلی کے مسائل کے فوری ازالے کیلئے چیف ایگزیکٹو فیسکو انجینئر بشیراحمد 22 ستمبر بروزجمعہ دن10تادوپہر12 بجے تک فیس بک پر ای کچہری کا انعقاد کریں گے۔

جس میں وہ صارفین بجلی کے مسائل سن کر ان کے حل کیلئے موقع پر ہی احکامات جاری کریں گے۔ضلع فیصل آباد، جھنگ، سرگودھا، میانوالی، خوشاب، چنیوٹ، بھکراورٹوبہ ٹیک سنگھ کے صارفین اپنے مسائل کے فوری ازالہ کیلئے ان سے فیس بک پیج/FESCOEKatchery/www.facebook.comپررابطہ کر سکتے ہیں تاکہ ان کی شکایات کا فوری ازالہ ممکن بنایا جاسکے۔