چین،آتش بازی کا سامان بنانے والی فیکٹری میں دھماکا، 9 افراد ہلاک، 26 زخمی

بیجنگ ۔17جون (اے پی پی):چین کے صوبہ ہونان کی لِنلی کاؤنٹی میں آتش بازی کا سامان بنانے والی فیکٹری میں دھماکے سے 9 افراد ہلاک اور 26 زخمی ہو گئے۔

شنہوا کے مطابق جائے وقوعہ پر موجود ریسکیو ہیڈ کوارٹر نے تصدیق کرتے ہوئے کہا کہ یہ دھماکا گزشتہ صبح لِنلی کاؤنٹی میں آتش بازی کا سامان بنانے والی فیکٹری میں ہوا جس کے نتیجے میں 9 افراد ہلاک اور 26 زخمی ہوگئے۔

دھماکے کے بعد سرچ اینڈ ریسکیو آپریشن جاری ہے اور حادثے کی وجوہات جاننے کے لیے تحقیقاتی ٹیم تشکیل دے دی گئی ہے۔