سیﺅل ۔ 18 نومبر (اے پی پی) جنوبی کوریا کے صدر کے دفتر سے جاری ہونے والے ایک بیان کے مطابق چین کے صدر شی جِن پنگ آئندہ سال شمالی کوریا کا دورہ کریں گے۔ چینی صدر کو اس دورے کی دعوت شمالی کوریا کے لیڈر کم جونگ ا±ن نے دی ہے۔ چینی صدر نے اس دورے کا ذکر جنوبی کوریا کے صدر مون جے اِن کے ساتھ ایک مختصر ملاقات میں کیا۔ دونوں صدور کے درمیان یہ ملاقات ایشیا پیسیفک اکنامک فورم کے موقع پر پپوا نیوگنی کے دارالحکومت پورٹ مورسبی میں ہوئی۔ چینی صدر آئندہ سال جنوبی کوریا کا بھی دورہ کرنے کا ارادہ رکھتے ہیں۔ جزیرہ نما کوریا کے ان ممالک کے دوروں کی تاریخوں کا ابھی تعین نہیں کیا گیا ہے۔
