بیجنگ ۔11جنوری (اے پی پی):چین کے صدر شی جن پنگ نےشیخ حسینہ واجد کو بنگلہ دیشی وزیر اعظم کے طور پر دوبارہ منتخب ہونے پر مبارکباد دی ہے ۔
چینی خبررساں ادارے شنہوا کے مطابق چین اور بنگلہ دیش روایتی دوستی کے حامل پڑوسی ہیں ۔ انہو ں نے کہاکہ چین اور بنگلہ دیش نے ہمیشہ بنیادی مفادات سے متعلق مسائل پر ایک دوسرے کی حمایت کی ہے اور دونوں ممالک کے عوام کو ٹھوس فوائد پہنچانے کے لیےترقی کی راہوں کو آگے بڑھانے میں تعاون کیا ہے ۔
انہوں نے کہا کہ امید ہے کہ چین اور بنگلہ دیش دونوں فریقوں کے درمیان طے پانے والے اہم اتفاق رائے کو مزید عملی جامہ پہنانے، سیاسی باہمی اعتماد کو مزید گہرا کرنے، روایتی دوستی کو آگے بڑھانے، ترقیاتی حکمت عملیوں کے ہم آہنگی کو مضبوط بنانے، بیلٹ اینڈ روڈ تعاون کو اعلیٰ معیار کے ساتھ بڑھانے کے لیے مل کر کام کریں گے۔
