واشنگٹن ۔ 9 جنوری (اے پی پی) چین کی ٹیکنالوجی کمپنی ” لینو وو” نے لاس ویگاس کنزیومر الیکٹرانکس شو میں دنیا کا پہلا 5 جی ٹیکنالوجی کا حامل پرسنل کمپیوٹر” یوگا فائیو جی” متعارف کرادیا۔ذرائع ابلاغ کے مطابق لینو وو فائیوجی کمپیوٹر امریکی شہر لاس ویگاس میں جاری کنزیومر الیکٹرانکس شو 2020 میں متعارف کرایا۔کمپنی کے لیے یہ پہلا موقع ہے کہ اس نے سمارٹ فون ٹیکنالوجی سے ہٹ کر فائیو جی کا حامل پریمیئم کمپیوٹر متعارف کرایا ہے۔یوگا فائیوجی انتہائی آسانی سے ایک جگہ سے دوسری جگہ منتقل کیا جاسکنے والا ٹو ان ون لیپ ٹاپ ہے جو تیز رفتار فائیوجی نیٹ ورک فراہم کرتا ہے اور یہ فور جی کے مقابلے میں 10 گنا تیز رفتاری سے کام کرتا ہے۔ یوگا فائیو جی رواں سال موسم بہار میں مارکیٹ میں دستیاب ہوگا۔اس کمپیوٹر کی دوسری بڑی خوبی آواز کا تعامل ہے،اس کے وائس اسسٹنٹس کے ساتھ چالیس سے زیادہ ماڈل متعارف کرائے گئے ہیں۔کمپنی نے اس جاری شو میں اپنی دیگر فائیو جی مصنوعات بھی متعارف کرائی ہیں جن میں دنیا کا پہلا فولڈ ایبل پرسنل کمپیوٹر، تھنک پیڈ ایس ون فولڈ اور سمارٹ فون رازر شامل ہے۔یاد رہے کہ فائیو جی ٹیکنالوجی فور جی سے 100 گنا رفتار کی حامل ہے جس کی مدد سے گھنٹوں پر محیط موویز سیکنڈز میں ڈائون لوڈ کی جاسکتی ہیں۔
Short Link: https://urdu.app.com.pk/urdu/?p=183140
