اسلام آباد۔25جنوری (اے پی پی):وزارت نیشنل ہیلتھ سروسز ریگولیشنز اینڈ کوآرڈینیشن کی پارلیمانی سیکریٹری ڈاکٹر نوشین حامد نے کہا ہےکہ چینی کووڈ-19 ویکسین کے تیسرے مرحلے کی ٹرائل جاری ہے۔ پیر کو اپنے بیان میں انہوں نے کہا کہ چین نے اس ماہ کے آخر تک کووڈ-19کی 500000 ویکسیز پاکستان کو دینے کا فیصلہ کیا ہے۔ مزید برآں انہوں نے کہا کہ پاکستان کو ان چند ممالک میں سے ایک ہونے پر فخر حاصل ہے کہ جہاں کورونا وائرس ویکسین کا مرحلہ تیسرے فیز کے آخری مراحل میں ہے۔
