کوئٹہ۔ 11 ستمبر (اے پی پی):کمشنر کوئٹہ ڈویژن محمد حمزہ شفقات نے کہا ہے کہ کوئٹہ ڈویژن میں چینی کی قیمت اس وقت 160 روپے ہے،چینی کی قیمتوں میں بڑی کمی ہوئی،کوئٹہ ڈویژن میں آٹے کی قیمتیں مستحکم ہے پنجاب اور کوئٹہ کی قیمتیں ایک جیسی ہے،12سو ٹن چینی ضبط کی گئی ہے،منی لانڈرنگ کے خلاف ایف آئی اے کارروائی کررہی ہے ، انتظامیہ کی ذخیرہ اندوزں کے خلاف کارروائیاں جاری ہیں،
ان خیالات کا اظہار انہوں نے پیر کے روز ڈپٹی کمشنر کوئٹہ کے ہمراہ پریس کانفرنس کرتے ہوئے کیا۔کمشنر کوئٹہ ڈویژن محمد حمزہ شفقات نے کہا کہ چینی کے بعد اب دیگر اشیا کی قیمتوں کے بارے میں بھی کارروائیاں کی جائینگی،ہمارااگلا ٹاسک دودھ،گوشت اور چکن کی قیمتوں کو مستحکم کرنا ہے، عوام کو اگر 160 روپے سے مہنگی چینی مل رہی ہوں تو فوری طور پر ڈی سی آفیس کو مطلع کریں۔
انہوں نے کہا کہ 10 ایکڑ کی قریب زمین پر گندے نالے کی پانی سے اگائی جانیوالی سبزیوں اور فروٹ کے فصل کو ضائع کردیا گیا ہے جبکہ کوئٹہ ڈویژن میں قلعہ عبداللہ‘ پشین میں منشیات کیخلاف بھرپور آپریشن جاری ہے آج سے کوئٹہ میں بھی منشیات کیخلاف آپریشن شروع کردیا گیا ہے۔
Short Link: https://urdu.app.com.pk/urdu/?p=389366
