چین اور امریکا کے درمیان ٹیرف میں کمی دوطرفہ تجارت ، عالمی اقتصادی بحالی کےلئے فائدہ مند ہے،چینی ترجمان

بیجنگ۔19مئی (اے پی پی):چین نے کہا ہے کہ چین اور امریکا کے درمیان محصولات میں نمایاں کمی تجارتی ترقی اور عالمی اقتصادی بحالی کے لئے فائدہ مند ہے۔ شنہوا کے مطابق یہ بات چین کے قومی ادارہ شماریات ( این بی ایس )کے ترجمان فو لنگھوئی نے پیر کو پریس کانفرنس کے دوران کہی۔

انہوں نے کہا کہ موجودہ بین الاقوامی ماحول پیچیدہ اور سنگین ہے، یکطرفہ اور مقامی کاروباروں کو تحفظ دینے میں اضافہ بین الاقوامی اقتصادی اور تجارتی نظام کے لئے سنگین چیلنجز اور عالمی اقتصادی ترقیکی راہ میں رکاوٹ ہے تاہم برابری کی بنیاد پر فائدے کے لئے بین الاقوامی تعاون کے رجحان میں کوئی تبدیلی نہیں آئے گی۔ انہوں نے کہا کہ چین کا اوپننگ اپ کو وسعت دینے کا عزم مثبت ثابت ہوگا۔

انہوں نے کہا کہ غیر ملکی تجارت کے تنوع کو مسلسل آگے بڑھایا جا رہا ہے اور غیر ملکی تجارت کی ترقی کو فروغ دینے کی پالیسیوں کے مسلسل نتائج برآمد ہو رہے ہیں، جو غیر ملکی تجارت کی مستحکم ترقی کو جاری رکھے گی۔

Short Link: https://urdu.app.com.pk/urdu/?p=598616