- Advertisement -
بیجنگ۔27اگست (اے پی پی):چین اور شنگھائی تعاو ن تنظیم کے رکن ممالک کے درمیان تجارت کا حجم512.4 ارب ڈالر کی تاریخ کی بلند ترین سطح پر پہنچ گیا۔
سی جی ٹی این کے مطابق شنگھائی تعاون تنظیم ( ایس سی او)کے اقتصادی و تجارتی تعاون پر خصوصی پریس بریفنگ میں چین کی وزارت تجارت کے نمائندے نے بتایا کہ ان کے ملک نے ایس سی او کی صدارت سنبھالنے کے بعد عالمی تجارت میں اتار چڑھاؤ سے نمٹنے اور کثیر جہتی تجارتی نظام کی حمایت کے لیے رکن ممالک کے ساتھ مل کر ایک مضبوط آواز بلند کی ہے ۔
- Advertisement -
انہوں نے بتایا کہ چین اور ایس سی او ممالک کے درمیان تجارتی حجم تاریخ کی بلند ترین سطح پر پہنچ چکا ہے۔ 2024 میں چین اور دیگر رکن ممالک کے درمیان تجارت کا حجم 512.4 ارب ڈالر رہا جو گزشتہ سال کے مقابلے میں 2.7 فیصد زیادہ ہے۔
- Advertisement -
