چین اور میانمار کے ما بین ہم نصیب معاشرہ کا گہر ا مفہوم بھر پور نتائج کا حامل ہے،چینی مندوب جیانگ شین زی

بیجنگ ۔11اپریل (اے پی پی):میانمار کی حکومت کی دعوت پر چینی صدر شی جن پنگ کے خصوصی ایلچی اور چینی عوامی سیاسی مشاورتی کانفرنس کی قومی کمیٹی کے نائب چیئرمین جیانگ شین زی نے میانمار کے دارالحکومت نیپیداؤ میں میانمار کے صدر من آنگ ہلینگ کی حلف برداری کی تقریب میں شرکت کی۔ چینی میڈیا کے مطابق جیانگ شین زی نے نو منتخب صدر سے ملاقات بھی کی۔ ملاقات میں جیانگ شین زی نے صدر شی جن پنگ کی جانب سے من آنگ ہلینگ کو مبارکباد اور نیک تمناؤں کا پیغام دیتے ہوئے کہا کہ چین اور میانمار کے درمیان برادرانہ تعلقات دیرینہ اور گہرے ہیں ۔ فریقین طویل عرصے سے پرامن طریقے سے رہ رہے ہیں اور ایک دوسرے کی مدد کرتے آئے ہیں،جس سے چین-میانمار ہم نصیب معاشرے کا گہر ا مفہوم مکمل طور پر ظاہر ہوتا ہے ۔

انہوں نے کہا کہ چین میانمار کی ترقی کا راستہ اختیار کرنے کی حمایت کرتا ہے اور میانمار کے ساتھ اعلیٰ معیار کی "بیلٹ اینڈ روڈ” منصوبہ کی مشترکہ تعمیر میں تعاون کو گہرا کرنے، چین میانمار سرحدی استحکام اور میانمار میں چینی اہلکاروں اور منصوبوں کی حفاظت کو یقینی بنانے اور چین – میانمار ہم نصیب معاشرے کی تعمیر میں مزید عملی نتائج حاصل کرنے کے لیے تیار ہے۔

من آنگ ہلینگ نے میانمار کی اقتصادی اور سماجی ترقی کے لیے چین کی طویل مدتی اور قابل قدر مدد پر شکریہ ادا کیا۔انہوں نے کہا کہ میانمار، چین کی جانب سے پیش کردہ چار عالمی انیشی ایٹوز کی حمایت کرتا ہے اور میانمار اور چین کے درمیان ہم نصیب معاشرے کی تعمیر کے لیے مختلف شعبوں میں چین کے ساتھ عملی تعاون کو گہرا کرنے کے لیے تیار ہے۔