بیجنگ ۔17مئی (اے پی پی):ورلڈ ڈیجیٹل ایجوکیشن کانفرنس 2025 اختتام پذیر ہو گئی۔ چینی میڈیا کے مطابق کانفرنس نے ’’چین میں سمارٹ ایجوکیشن پر وائٹ پیپر‘‘ سمیت پانچ اہم نتائج جاری کئے ۔ چین میں سمارٹ ایجوکیشن سے متعلق وائٹ پیپر میں قومی تعلیم کی ڈیجیٹلائزیشن حکمت عملی کے عمل درآمد کے بعد کی پیشرفت اور نتائج کو اجاگر کیاگیا ہے ۔
وائٹ پیپر میں کہا گیا ہے کہ2025 سمارٹ ایجوکیشن کے آغاز کے بعد پہلا سال ہے اور مصنوعی ذہانت ، تعلیمی مواد ، تدریسی انداز، تعلیمی گورننس اور تعلیم کی عمومی شکل کو ہمہ جہت انداز میں تبدیل کر تے ہوئے مستقبل پر مبنی تعلیمی نظام کی تعمیر کر رہی ہے۔وائٹ پیپر میں واضح کیا گیا ہے کہ چین مستقبل میں ڈیجیٹل تعلیم کے لیے بیرون ملک تعلیمی مراکز کی تعمیر کو فروغ دے گا ، ترقی پذیر ممالک کے لیے ڈیجیٹل ٹیکنالوجی کی صلاحیت کی تربیت کو ترجیح دے گا ، ٹیلنٹ کی تربیت اور تکنیکی معاونت کو مضبوط بنائے گا ، ڈیجیٹل ایجوکیشن کی ترقی میں موجود خلا کو پر کرے گا اور تعلیمی مساوات کی راہ میں حائل رکاوٹوں کو ختم کرے گا ۔
Short Link: https://urdu.app.com.pk/urdu/?p=598132
