چین نے معاشی ترقی میں قابل ذکر کامیابیاں حاصل کی ہیں، صدرکولمبیا

بیجنگ ۔17مئی (اے پی پی):کولمبیا کے صدر گسٹووا پیٹرو نے چین میں ہونے والی چین۔ لاطینی امریکا فورم کی چوتھی وزارتی کانفرنس میں شرکت کی ۔ کولمبیا کے صدر نے چائنا میڈیا گروپ کوخصوصی انٹرویو دیتے ہوئے کہا کہ چین نے معاشی ترقی اور غربت کے خاتمے میں قابل ذکر کامیابیاں حاصل کی ہیں، کروڑوں افراد کو غربت سے نکالا ہے اور عالمی سطح پر غربت کے خاتمے میں زبردست پیش رفت کی ہے۔

انہوں نے کہا کہ آج کی دنیا میں جدید سائنس اور ٹیکنالوجی کے شعبے میں چین نے اہم کردار ادا کیا ہے۔ مصنوعی ذہانت، ڈیجیٹل معیشت اور صاف توانائی کو یکجا کرنے کی چین کی صلاحیت مستقبل میں عالمی معیشت کا مرکز بنے گی اور دنیا ایک نئی سماجی شکل میں داخل ہوسکتی ہے ۔کولمبیا کے صدر نے کہا کہ رواں سال چین- لاطینی امریکا فورم کے قیام کی دسویں سالگرہ ہے۔ انہوں نے کہا کہ گزشتہ 10 سال میں، چین اور لاطینی امریکا نے سامان کی تجارت میں نمایاں پیش رفت کی ہے۔

چین نے بوگوٹا میٹرو منصوبے کی تعمیر میں حصہ لیا اور پیرو میں ایک بندرگاہ تعمیر کی ۔ اس کے علاوہ چینی سرمایہ کاری اور انجینئرنگ ٹیکنالوجی کی مدد سے کئی اور بڑے منصوبے تعمیر کیے جا رہے ہیں۔ صدر گسٹووا پیٹرو نے کہا کہ چین کے ساتھ سفارتی تعلقات قائم کرنے والے پہلے لاطینی امریکی ممالک میں سے ایک کے طور پر چین کے ساتھ اپنے تعاون کو مزید وسعت، سٹریٹجک شراکت داری میں اپ گریڈ کر رہا ہے اور مفاہمت کی یادداشتوں کے ذریعے ٹھوس اقدامات کو فروغ دے رہا ہے۔

Short Link: https://urdu.app.com.pk/urdu/?p=598134